سلآآموون عليكووم..
الله يكون في عون المعرس !!
تخيلووووووو في وسط الحضور يدخل واحد ويقول قصيدة في العروسة للمعرس شنو بيكون
ردة فعلــــــــهــ؟؟
أبد ما جيت أبارك لك ولكن جيت باوصيك
على الله ناوي(ن) تدخـل بها اللـيله .... معذبتي
ترى لولا الظروف اللي عطّـتك وحدّت محاكيك
قسـم بالله ما تدخل عليــها لو على رقبتي
ولكن النصيب أقوى ولاادري ويش اسوي فيك
نعـم...صارت معزبتك,, ولا صارت معزبتي
كذا شـاءت بنا الأقـدار تحرمني لجل تعطيك
كذا لازم عشان تفوز انت,,أنا اخـسر بتجربتي
تراها غالية جدا..وتكفى.. والله يخلـيـك
تدللـها..تدلعـها ..تنسّـيها مصاحبتي
أنا من كثر مااغليها أحس اني بديت أغلـيك
ولاتسـأل بأيـة حـق والا وش مناســـبتي
لأنك لو بتسألـني بتسمـع شي مـا يرضيك
لذا يا خـــوي لا تسأل ولا تسمـع لأجوبتي
أبيك تحطها في داخل عـيونك وبين ايـديـك
وهي دلوعة إعتــادت على كثرة مداعبتي
فداعبـها شوي شوي حـتى تشتهي طاريك
وشاغبها إلــيـن تقول: بـطّـل من مشاغبتي
واذا هي مالها خلقك,,ولا تضحك ولا تسليك
تحمّلـها وإسألـها :ياعمـري ليه عصّبـتي
وبالك أسمع انك يوم تضربهــا وهي تشكيك
ما يحتـاج أوري لك بفن الضـرب موهبتي
صحيح انك بتملكـها ومعك العقــد بالتمليـك
وانا عـارف حدود الله ومن حــقــك معاقبتي
ولكن قل لها : المجنون وصّـاني وهو يعنيك
يقـول انه بيـنـتظـرك لوشـيّـب وشـيّـبتي
وانا مجنونها اللي ما نساهــا وانششت مايمديك
تغــطي ذكرياتي.. في هواهـا و ربع تجربتي
أحس اني تماديت بكلامي,, والغضب حـاديك
ولو انك في مكاني ما تفكر في محـــاسبتي
كفاك اني تركت الليـله أشغالي عشان أجيك
دخلت القاعة برجلي ولا أدري ويش عاقبتي
وانا ما جيت أخرّب عرسك الليله ولا أذّيك
أنا جيتك عشان أخاطـبك واسمع مخاطبتي
توصّى ... وانتبه.. واحرص عليها والله يهنيك
ترى كل الكلام اللي طلع من ضيقي وكبـتي
ولكن ما قدرت اني أقوله وانت مايخفـيك
أخـاف اني اذا قلته تقوم وتقطـع رقبــتي
ملطووووش لعيووونكم
سلااااااامي
الخميس مايو 14, 2009 6:36 pm من طرف Jolean
